Մայիսի 29-ին Սևանի <<Ամիգո>> սրճարանում տեղի ունեցավ՝ սեբաստացիների և <<Մխիթար Սեբաստացի >> Սևան մասնաճյուղի դպրոց-պարտեզում հայտագրված ծնողների հանդիպումը:
Ներկա էինք նաև մենք՝ դպրոց-պարտեզում աշխատելու համար դիմած չորս կամավորներս:
Այս անգամ մեր հարազատ քաղաքում հյուրը մենք էինք:
Հանդիպումն ընթացավ ջերմ ու խաղախ մթնոլորտում: Կրթահամալիրի ներկայացուցիչները նախ շատ բարեհամբույր դիմավորեցին սևանցի ծնողներին, ներկայացան ու մանրակրկիտ ներկայացրին կրթահամալիրի գործնեությունն ու նպատակը: Անկախ հարցերի տեղատարափից, բոլոր հինգ ներկայացուցիչներն էլ պատասխանում էին բարեհամբույր ու ժպտերես: Դէ իսկ քաղցր հյուրասիրության մասին էլ չասեմ:
Ամբողջ ընթացքում այդ ամենն ավելի պատկերավոր էին դարձնում. էկրանի վրա ցուցադրվում էր դպրոցի շենքերը, բակերը, առօրյան, լողավազանը: Մի խոսքով այն ամենը, ինչը դարձնում է համալիր:
Ապա մեր սիրելի երաժիշտներ՝ Սյուզի Մարգարյանի և Մարինե Ոսկանյանի հզոր ձայների ներքո՝ ծնողների մասնակցությամբ շուրջպար բռնոցինք:
Եվ ուրախ նոտայով էլ հրաժեշտ տվեցինք ծնողներին:
Մենք դեռ երկար զրուցում էինք սեբաստացիների հետ ու կարծես ոչ մի կերպ չէինք ուզում հրաժեշտ տալ: Բայց դէռ երկար ճանապարհ ունեին անցնելու: Ուստի ևս մեկ նկար ու հրաժեշտ՝ սակայն կրկին հանդիպելու ակնկալիքով:
Շնորհակալությունս եմ հայտնում Սևան այցելած սեբաստացիներն (Նելլի Արղության, Մարինե Ոսկանյան, Անահիտ Հարությունյան, Սյուզի Մարգարյան և Արմինե Թոփչյան ) հաճելի օրվա համար:
Լիլիթ Մուրադյան 